नवे शौचालय खुले कधी होणार?
चार महिन्यांपासून धारावीकर उद्घाटनाच्या प्रतीक्षेत
धारावी, ता. २० (बातमीदार) : धारावीतील शास्त्रीनगर परिसरातील महाराणा सोसायटीच्या बाजूला असलेले बैठे शौचालय नादुरुस्त झाले होते. त्याची बातमी दैनिक ‘सकाळ’मध्ये प्रसिद्ध होताच पालिकेने नादुरुस्त शौचालय तोडून नव्याने शौचालय बांधणीला सुरुवात केली होती. दोन वर्षांपूर्वी नवीन शौचालय उभारणीसाठी सुरुवात करण्यात आली होती. शौचालय उभारून चार महिने झाले आहेत, तरीही ते वापरण्यासाठी खुले करण्यात आलेले नाही. त्यामुळे स्थानिक रहिवासी संताप व्यक्त करीत आहेत.
जुने शौचालयाचे तोडकाम केल्यानंतर जवळपास एक वर्षानंतरही नव्या शौचालयाच्या कामास सुरुवात झाली नव्हती. दैनिक ‘सकाळ’मध्ये पुन्हा त्याबद्दल बातमी प्रसिद्ध झाल्यानंतर झोपी गेलेल्या पालिका प्रशासनाने जागे होत शौचालय बांधण्यास सुरुवात केली होती. दरम्यान, नव्याने उभारण्यात आलेले शौचालय अद्याप खुले झालेले नाही.
दरम्यान, संबंधित खात्याच्या अधिकाऱ्यांना यासंदर्भात पाहणी करण्यासाठी सूचना देतो, असे पालिकेच्या ग/उत्तर विभागाचे मनपा सहाय्यक आयुक्त विनायक विसपुते यांनी सांगितले.
धारावी : नव्याने बांधण्यात आलेले शौचालय चार महिन्यांनंतरही उद्घाटनाच्या प्रतीक्षेत आहे.
फोटो - 991
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.