हळदीकुंकू कार्यक्रमात महिलांना मार्गदर्शन

विरार (बातमीदार) : श्रमजीवी संघटना गावकमिटी वाकीपाडा येथे हळदीकुंकू कार्यक्रमाचे आयोजन केले होते. या कार्यक्रमासाठी प्रमुख पाहुणे म्हणून उपस्थित असलेल्या जिल्हा परिषद शाळेच्या माजी मुख्याध्यापिका साधना सुरेश पाटील यांनी संघटनेच्या सर्व महिलांना मार्गदर्शन केले. या वेळी श्रमजीवी संघटना महाराष्ट्र माजी तालुकाध्यक्ष संजीवनी सुरुंदा आणि वाकीपाडा गावकमिटीच्या महिलांनी उपस्थित राहून कार्यक्रमाची शोभा वाढवली. हा कार्यक्रम पार पाडण्यासाठी वाकीपाडा गावाकमिटीचे अध्यक्ष देवराम म्हात्रे, सचिव हितेश बलंगे, उपाध्यक्ष बुधीबाई नाईक, ॲड. सुजाता रावते, निता किणी, जयश्री अंधेर, इंदिरा मोरे, वैजयंती पाटील, रोशनी पडवळे, भुनेश बलंगे या सर्वांच्या मदतीने हा कार्यक्रम पार पडला.