विक्रमगड तालुक्यात कार्यक्रमांची रेलचेल
विक्रमगड, ता.२३ (बातमीदार)ः माघी गणेशोत्सवानिमित्त विक्रमगड तालुक्यातील विविध धार्मिक कार्यक्रम होणार आहेत. सकाळी लवकर गणपती पूजन, अभिषेक, महाआरती, भजन, कीर्तनामुळे संपूर्ण तालुका भक्तिरसात न्हाऊन निघणार आहे.
तालुक्यातील ग्रामदेवता, गणेश मंदिरांमध्ये दर्शनासाठी भाविकांची मोठी गर्दी होण्याची शक्यता आहे. अनेक भाविकांनी आजपासूनच दर्शनासाठी मंदिरांकडे धाव घेतली आहे. माघी गणेशोत्सवाचे धार्मिक महत्त्व लक्षात घेता नागरिकांकडून पारंपरिक पद्धतीने उत्सव साजरा करण्यावर भर दिला आहे. विक्रमगड तालुक्यातील पाचमाड या गावातील गणेश मंदिराने सध्या संपूर्ण परिसराचे लक्ष वेधून घेतले आहे. मंदिराची आकर्षक व मनमोहक रंगसंगती, सुबक सजावट व स्वच्छ परिसर चर्चेचा विषय ठरले आहे.