महिलांच्या अधिकारांवरील कायद्यांवर मालवणीत मार्गदर्शन सत्र
मालाड, ता. २२ (बातमीदार) ः राष्ट्र सेवा दल, मालवणी, सफल विकास वेल्फेअर सोसायटी तसेच नेटवर्क फॉर एम्‍पॉवर्मेंट एज्युकेशन डेव्हलपमेंट अँड अवेरनेस यांच्या संयुक्त विद्यमाने ‘भारतामधील महिलांच्या अधिकारांचे संरक्षण करणारे कायदे’ या विषयावर एक महत्त्वपूर्ण चर्चा व मार्गदर्शन सत्र आयोजित करण्यात आले आहे. या सत्रात विविध समुदायांतील पर्सनल लॉ (वैयक्तिक कायदे) यांचाही समावेश असणार आहे. हे मार्गदर्शन सत्र शनिवारी (ता. २४) दुपारी २.३० वाजता, सफल लर्निंग सेंटर, गुजराती चाल, फेरोझा बेकरीच्या मागे, मालवणी क्रमांक ३, मालाड (पश्चिम) येथे होणार आहे. प्रसिद्ध समाजशास्त्रज्ञ व महिला अधिकार कार्यकर्त्या कुतुबजहाँ किदवाई या प्रमुख मार्गदर्शक म्हणून उपस्थित राहणार आहेत.