मुंबई : पवई येथील डॉ. एल. एच. हिरानंदानी रुग्णालयात गुरुवारी (ता. २२) यकृतदानाची नोंद झाली. ६० वर्षीय पुरुष रुग्णाचा मृत्यू झाल्यानंतर त्यांच्या कुटुंबीयांनी निर्णय घेत अवयवदानास संमती दिली. हे वर्षातील सहावे अवयवदान आहे. दरम्यान, पाचवे अवयवदान मंगळवारी (ता. २०) वाशी येथील फोर्टिस हिरानंदानी रुग्णालयात पार पडले. ६४ वर्षीय पुरुष रुग्णाच्या मृत्यूनंतर यकृत आणि दोन्ही मूत्रपिंडे दान करण्यात आली. या अवयवदानामुळे तीन रुग्णांना नवे जीवन मिळेल. ही ट्रान्सप्लांट कोऑर्डिनेटर संगीता देसाई यांनी दिली.