शूटिंग बॉल स्पर्धेत विजेतेपद
दांडेकर महाविद्यालयाच्या संघाला सुवर्णपदक
पालघर, ता. २५ (बातमीदार)ः पालघरच्या सोनोपंत दांडेकर कनिष्ठ महाविद्यालयाच्या संघाने नाशिक विभागाला हरवत राज्यस्तरीय शूटिंग बॉल स्पर्धेत विजेतेपद पटकावले. अकोला येथे राज्यस्तरीय शूटिंग बॉल स्पर्धेमध्ये मुंबई विभागाचे प्रतिनिधित्व करताना यश मिळवले आहे.
युवक व क्रीडा सेवा संचालनालय महाराष्ट्र राज्य यांच्यातर्फे शालेय राज्यस्तरीय शूटिंग बॉल स्पर्धेचे अकोला जिल्ह्यातील मूर्तिजापूर तालुक्यातील क्रीडा संकुलामध्ये करण्यात आले होते. यामध्ये महाराष्ट्रातील आठ महसूल विभागाचे संघ सहभागी झाले होते. शूटिंग बॉल खेळामध्ये मुंबई विभागाचे प्रतिनिधित्व पालघरच्या सोनोपंत दांडेकर कनिष्ठ महाविद्यालयाच्या संघाने केले. या स्पर्धेत दांडेकर कॉलेजच्या संघाने लातूर विभागाच्या संघास २१-७, २१-४ अशी एकतर्फी मात देत उपांत्य फेरीच्या सामन्यात गतविजेत्या पुणे विभाग संघाला २१-१७, २१-१० अशा सरळ दोन सेटमध्ये पराभूत करून अंतिम सामन्यात नाशिक विभागाच्या संघास २१-१७, २१-१४ अशा सरळ सेटमध्ये मात देत मुंबई विभागाला सुवर्णपदक प्राप्त करून दिले.
---------------------------
कौतुकाची थाप
पालघर जिल्ह्याची निर्मिती झाल्यापासून शालेय स्पर्धांमध्ये शाळा, कनिष्ठ विद्यालयाला राज्यस्तरीय स्पर्धेत सुवर्णपदक पटकावता आले नव्हते. पालघरच्या सोनोपंत दांडेकर कनिष्ठ विद्यालयाच्या संघाने कामगिरी केल्याचे क्रीडा संचालक प्रा. किरण थोरात यांनी सांगितले.