मुंबई

प्रसूतीनंतर लगेच बाळाचा जन्मदाखला

CD

दिनेश गोगी : सकाळ वृत्तसेवा
उल्हासनगर, ता. २५ : नवीन वर्षापासून उल्हासनगरातील शासकीय प्रसूतिगृहात महिलेला डिस्चार्ज मिळताच तिच्या बाळाचा जन्मदाखला त्वरित देण्याचा उपक्रम प्रगतिपथावर सुरू करण्यात आला आहे. अधीक्षक डॉ. शशिकांत डोडे यांच्या नेतृत्वाखालील पथकाने राबवलेल्या या उपक्रमांतर्गत अवघ्या पंधरवड्यात २० जन्मदाखले पालकांच्या हाती सुपूर्द करण्यात आले आहे. त्यामुळे जन्मदाखल्यासाठी होणाऱ्या वारंवार फेऱ्या टळल्या आहेत.

उल्हासनगर शहरातील कॅम्प क्रमांक ४ परिसरातील बाजारपेठेच्या मुख्य रस्त्यावर असलेले शासकीय प्रसूतीगृह हे नागरिकांसाठी महत्त्वाचे आरोग्य केंद्र आहे. या ठिकाणी यापूर्वी प्रसूतीनंतर बाळाचे जन्म प्रमाणपत्र मिळण्यासाठी पालकांना साधारण १५ ते २० दिवस प्रतीक्षा करावी लागत होती. तसेच दाखला मिळवण्यासाठी अनेक वेळा रुग्णालयात ये-जा करावी लागत असल्याने पालकांना मोठा त्रास सहन करावा लागत होता. मात्र, अधीक्षक डॉ. शशिकांत डोडे, डॉ. यशवंत सदावर्ते, रोशनी देखाटे, चेतनसिंह ठाकूर, मनीषा कुलकर्णी, विना संखे, पूजा भागवत यांच्यासह संपूर्ण पथकाने हा प्रश्न लक्षात घेऊन नव्या वर्षापासून प्रसूत महिलेला डिस्चार्ज देताना तिच्या बाळाचा जन्मदाखला थेट तिच्या हाती देण्यास सुरुवात केली आहे. या निर्णयामुळे महिलावर्गात समाधान व आनंदाचे वातावरण निर्माण झाले आहे.

महिलेच्या चेहऱ्यावरचा आनंद
नुकतीच एका महिलेची या शासकीय प्रसूतीगृहात प्रसूती झाल्यानंतर डिस्चार्ज देताना डॉक्टरांनी तिच्या बाळाचा जन्म प्रमाणपत्राचा दाखला त्वरित सुपूर्द केला. त्या वेळी संबंधित महिलेच्या चेहऱ्यावरचा आनंद पाहून डॉक्टरांनाही समाधान मिळाले. याप्रसंगी डॉ. सदावर्ते, रुग्णालय कर्मचारी रिटा पिल्ले, दाखला विभागाचे ईश्वर चव्हाण, चेतन ठाकूर, विक्रम राठोड उपस्थित होते.

पूर्वी तांत्रिक अडचणींमुळे जन्मदाखला देण्यास विलंब होत असे. मात्र, नव्या वर्षापासून जन्मदाखल्याची प्रक्रिया फास्ट ट्रॅकवर आणण्यात आली आहे. डिस्चार्जच्या वेळीच दाखला दिला जात असल्याने पालक आनंद व्यक्त करत आहेत.
- डॉ. शशिकांत डोडे, अधीक्षक


उल्हासनगर : बाळाच्या पालकांना जन्मदाखला देताना शासकीय प्रसूतीगृहाचे पथक.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

8th Pay Commission: सरकारी कर्मचाऱ्यांसाठी महत्त्वाची बातमी ! आठव्या वेतन आयोगानुसार किमान 'इतका' असेल पगार, आकडा आला समोर

IND vs NZ 3rd T20I : भारताने जिंकली सलग नववी ट्वेंटी-२० मालिका! अभिषेक, सूर्यकुमारच्या वादळासमोर न्यूझीलंडचा पालापाचोळा

Accident News: भीषण अपघात! महामार्गावर दोन बसची समोरासमोर टक्कर; तिघांचा मृत्यू, अनेक जखमी

Indian Video : भारताला स्वातंत्र्य 99 वर्षांच्या करारावर मिळालंय? 2046 मध्ये इंग्रज परत येणार? वादग्रस्त व्हिडिओतील वक्तव्य कितपत खरं

Latest Marathi news Update : देश-विदेशातील दिवसभरातील घडामोडी जाणून घ्या एका क्लिकवर...

SCROLL FOR NEXT