चिमुकल्यांचे समाजप्रबोधनपर पथनाट्यातून जनजागृती
माणगाव (वार्ताहर) ः साजे आदिवासी वाडी येथील जिल्हा परिषद शाळेतील चिमुकल्यांनी गावामध्ये ‘पाण्याची बचत हीच पाण्याची निर्मिती’ या संकल्पनेवर आधारित पथनाट्य सादर केले. महाराष्ट्राची वारकरी परंपरा आणि लोकगीत यांचा समन्वय साधून रेन हार्वेस्टिंगद्वारे पाणी आपल्या जागेत साठवून ठेवा, पाणी वाया जाऊ देऊ नका, असा मोलाचा संदेश त्यांनी गीतातून आणि सुंदर नृत्यातून दिला. हे पथनाट्य पाहण्यासाठी ग्रामस्थ मोठ्या संख्येने उपस्थित होते. शाळेतील शिक्षक वृंद यांच्या मार्गदर्शनातून आणि विद्यार्थ्यांच्या नृत्य आविष्कातून हे पथनाट्य यशस्वी झाले. विविध उपक्रमात शाळा व्यवस्थापन समिती पदाधिकारी, ग्रामस्थ आणि पालक हिरारीने भाग घेत असतात, असे समितीचे अध्यक्ष मंगेश जाधव यांनी सांगितले.