पिंकी मालीचे पार्थिव अंत्यदर्शनासाठी कळव्यात
कळवा, ता. २९ (बातमीदार) ः बारामती विमान दुर्घटनेतील फ्लाइट अटेंडन पिंकी शिवकुमार माली यांचे पार्थिव गुरुवारी (ता. २९) अंत्यदर्शनासाठी त्यांच्या सासरी कळव्यातील रेतीबंदरमधील घरी आणण्यात आले होते. सासरच्या कुटुंबीयांनी व इमारतीतील रहिवाशांनी तिच्या अंत्यदर्शनासाठी गर्दी केली होती. पिंकीचे पार्थिव या ठिकाणी २० मिनिटे ठेवण्यात आले होते. पिंकी माली व तिच्या पतीने मेहता रिव्हेरामध्ये फ्लॅट घेतला होता. ती येथे राहायला येणार होती. तिच्या मृत्यूची बातमी मिळाल्यावर तिचे पती व सासरच्या कुटुंबीयांना मोठा धक्का बसला. तिचे पार्थिव मुंबईला नेण्याआधी सासरच्या घरी अंत्यदर्शनासाठी आणण्यात आले होते.