जाबर कूळ परिवाराचा मेळावा
जव्हार (बातमीदार) ः तालुक्यातील शिवाचापाडा येथे आदिवासी समुदायातील जाबर कूळ परिवाराच्या पारंपरिक आठव्या कूळ मेळाव्याने सामाजिक एकोप्याचा सकारात्मक संदेश दिला. या मेळाव्यातून पारंपरिक पद्धतीने आदिवासी संस्कृतीचे जतन, आधुनिक विचारांचा समतोल साधण्याचा प्रयत्न ठळकपणे दिसून आला. काहळी, तारपा नृत्याच्या निनादात कुलदैवताची विधिवत मिरवणूक काढून कार्यक्रमाची सुरुवात करण्यात आली. या मेळाव्यास घिवंडा ग्रामपंचायत उपसरपंच प्रवीण फुफाने, अध्यक्ष अर्जुन जाबर, प्रमुख पाहुणे दिनेश जाबर आदी उपस्थित होते.