धकाधकीच्या जीवनात योग गरजेचा
भुईगावमध्ये फा. ज्यो आल्मेडा यांचे प्रतिपादन
वसई, ता. १० (बातमीदार)ः जीवनात चांगल्या आरोग्यासाठी व्यायाम, योग्य आहार व चांगल्या सवयी आवश्यक आहेत. सद्यःस्थितीत रुजलेली खाद्यसंस्कृती धोकादायक ठरत आहे. त्याकरिता योगसाधना आवश्यक असल्याचे अध्यक्ष फादर ज्यो आल्मेडा यांनी सांगितले.
भुईगाव येथील युवा विकास संस्था आणि युवक वाचनालयातर्फे स्पिरीट योग प्रशिक्षण कार्यक्रम घेण्यात आला. या वेळी योगसाधक व नवनिर्वाचित नगरसेवक अरुणा डाबरे या प्रमुख पाहुण्या म्हणून उपस्थित होत्या. प्रशिक्षणात २५ महिलांनी सहभाग घेतला होता. योगसाधक मायकल परेरा यांच्या मार्गदर्शनात १२ आठवड्यांचे योग प्रशिक्षण पूर्ण केले. योगसाधक वैशाली डाबरे, उदया डायस, रोविना डाबरे यांनी प्रशिक्षण कार्यक्रमातील अनुभव कथन केले, तर आर्वी डिसोजा, स्नेहल डाबरे, लायरा डिसोजा, सोनिया मार्टिन, शुभांगी डाबरे यांनी योगासने प्रात्यक्षिके सादर केली.