शिव जयंती निमित्त रक्तदान शिबीर
खारघर, ता. २१ (बातमीदार) : छत्रपती शिवाजी महाराज यांच्या जयंतीनिमित्त शिव आधार सामाजिक सेवा संस्था व साई ब्लड बँक पनवेल यांच्या संयुक्त विद्यमाने रक्तदान शिबिराचे आयोजन करण्यात आले. तसेच संजीवनी हॉस्पिटल व पॅथॉलॉजी लॅबच्या माध्यमातून मोफत आरोग्य व रक्ततपासणी शिबिरात शुगर, कोलेस्ट्रॉल व किडनी चाचण्या करण्यात आल्या. डॉ. तुषार सोनटक्के यांनी रुग्णांची तपासणी केली. संघर्ष संस्थेतर्फे दारूमुक्त खारघर अभियानातील डॉ. वैभव भदाणे, डॉ. नरेंद्र कदम, कीर्ती मेहरा, महेश नारकर व तुकाराम कंठाले यांचा सत्कार करण्यात आला. बिग बॉस हिंदीमधील उपविजेता प्रणित मोरे यांचाही गौरव करण्यात आला. शांतिदूत मर्दानी आखाड्याच्या विद्यार्थ्यांनी लाठी-काठी व दांडपट्टा सादरीकरण केले. कार्यक्रमाला बाळासाहेब पाटील, परेश ठाकूर, समीर कदम, अॅड. नरेश ठाकूर, सोनल नवघरे व उषा अडसूळ उपस्थित होते.