३ मार्चला खग्रास चंद्रग्रहण
मुंबादेवी मंदिर सकाळी ९ ते दुपारी २पर्यंत खुले
मुंबई, ता. २२ : यंदा मार्च महिन्याच्या पहिल्याच मंगळवारी (ता. ३) खग्रास चंद्रग्रहण होणार आहे. या पार्श्वभूमीवर मुंबादेवी मंदिर सकाळी ९ ते दुपारी २ या वेळेत केवळ दर्शनासाठी खुले ठेवण्यात येणार आहे.
ग्रहण वेधारंभ सकाळी १० वाजता होईल. ग्रहण प्रारंभ (स्पर्श) दुपारी ३.३० वाजता होणार असून, खग्रास स्थितीची सुरुवात सायंकाळी ४.३४ वाजता होईल. खग्रास स्थिती समाप्ती सायंकाळी ५.३० वाजता होईल, तर ग्रहण समाप्ती (मोक्ष) सायंकाळी ६.४६ वाजता होणार आहे. मंदिरातील नियमित कार्यक्रमांनुसार मंगला आरती सकाळी ४ वाजता, महाआरती सकाळी ८ वाजता आणि सायंकाळी महाआरती (भोग आरती) रात्री ८ वाजता पार पडणार आहे. तसेच पार्श्व पौर्णिमा नवचंडीचा कार्यक्रम सकाळी ५ ते ८.३० या वेळेत आयोजित करण्यात आला आहे.
ग्रहणाच्या दिवशी कोणत्याही प्रकारचा प्रसाद भक्तांकडून स्वीकारला किंवा अर्पण केला जाणार नाही, अशी माहिती श्री मुंबादेवी मंदिर विश्वस्त निधीचे व्यवस्थापक हेमंत पु. जाधव यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.