वाड्यात शास्त्रज्ञ, शेतकऱ्यांच्या गप्पागोष्टी
आंब्याच्या बागेत ड्रोनद्वारे औषध फवारणीचे प्रात्यक्षिक
वाणगाव, ता. २५ (बातमीदार) : शेतीमध्ये मजुरांची टंचाईची समस्या मोठ्या प्रमाणात भेडसावत आहे. या अडचणीतून मात करण्यासाठी यांत्रिकीकरण हाच पर्याय असल्याचे प्रतिपादन वाडा येथील शेतकरी अनिल पाटील यांनी आत्मा अंतर्गत किसान गप्पागोष्टी कार्यक्रमात केले आहे.
ग्रामीण विकास ट्रस्ट यांच्यामार्फत ड्रोनद्वारे औषध फवारणीचे प्रात्यक्षिकही आंब्याच्या बागेत करण्यात आले. तसेच वैतरणा पाणलोट क्षेत्र विकास शेतकरी उत्पादक कंपनी ऐनशेतचे संचालक यांनी त्यांच्यामार्फत राबविलेले उपक्रम व प्रस्तावित प्रक्रिया युनिटबाबत माहिती दिली. कृषी तंत्रज्ञान व्यवस्थापन संस्था आत्मा पालघर व कृषी विभाग महाराष्ट्र शासन यांच्या संयुक्त विद्यमाने वाडा तालुक्यातील मौजे ठाकरे पाडा (गांध्रे) व नाणे येथे किसान गप्पागोष्टी कार्यक्रम करण्यात आला. या कार्यक्रमाला वाडा उपविभागाचे तंत्र अधिकारी गावडे, तालुका कृषी अधिकारी माकर, मंडळ कृषी अधिकारी कुंडले, कृषिरत्न पुरस्कार प्राप्त शेतकरी अनिल पाटील, राजू संखे, आत्मा तालुका तंत्रज्ञान व्यवस्थापक बांगर आदी मान्यवर उपस्थित होते.