महिला सशक्तीकरणावर व्याख्यान
पालघर (बातमीदार) ः सोनोपंत दांडेकर महाविद्यालयाच्या महिला विकास कक्षाच्या वतीने ‘संविधानिक हक्क आणि कर्तव्ये’ विषयावरील सेमिनार घेण्यात आले. या वेळी संविधानाने महिलांना समानता, न्याय, सशक्तीकरणाचे अधिकार प्रदान केल्याचे व्याख्याता प्रा. सुप्रिया पाटील यांनी सांगितले.
कार्यक्रमाच्या अध्यक्षस्थानी उपप्राचार्य प्रा. डॉ. तानाजी पोळ उपस्थित होते. कार्यक्रमासाठी आवश्यक मार्गदर्शन, सहकार्य महाविद्यालयाचे प्राचार्य डॉ. किरण सावे यांनी केले. कार्यक्रमाचे सूत्रसंचालन प्रा. अनघा पाध्ये- देशमुख यांनी केले. या कार्यक्रमास महिला विकास कक्षाच्या तसेच व्यवस्थापनाच्या सदस्या अमिता राऊत, प्रा. विवेक कुडू आदी उपस्थित होते.