नऊवर्षीय मुलाला पित्याने दिले चटके

भाईंदर, ता. २५ (बातमीदार) : नऊवर्षीय मुलाला इस्त्रीने कापड गरम करून त्याचे चटके दिल्याची धक्कादायक घटना आज भाईंदर पूर्व येथे घडली. घटनेची माहिती मिळताच पोलिसांकडून पित्याविरोधात गुन्हा दाखल करण्यात आला आहे. आईचे छत्र हरपलेला पीडित मुलगा पित्यासोबत भाईंदर पूर्व येथे राहतो. तो उत्तर प्रदेशातील शाळेत शिकतो. डिसेंबरमध्ये सुट्टीत तो घरी आला असता पित्याने त्याला लाथा-बुक्क्यांनी मारहाण कोली. तसेच चक्क इस्त्रीने कापड गरम करून त्याचे चटके दिले. फेब्रुवारीत तो शाळेत गेला असता शिक्षकांनी मुलाच्या अंगावरील जखमा पाहिल्यावर हे प्रकरण उघडकीस आले. मुलाच्या आजीने नातवाला भाईंदरला आणून नवघर पोलिसांत तक्रार दिली. पोलिसांनी सोमवारी (ता. २३) गुन्हा दाखल केला.