संदेश विद्यालयाकडून बालभवन गौरव गीताचे सादरीकरण
घाटकोपर, ता. २६ (बातमीदार) : महाराष्ट्र राज्य जवाहर बालभवनचा ७४वा वर्धापनदिन मुंबई विद्यापीठाच्या दीक्षांत सभागृहात उत्साहात साजरा झाला. विविध स्पर्धांतील विजेत्यांचा या वेळी गौरव करण्यात आला.
ज्ञानप्रसारक शिक्षण संस्थेच्या संदेश विद्यालय व सनराईज इंग्लिश स्कूलच्या विद्यार्थ्यांनी संगीत शिक्षक मनोहर म्हात्रे यांच्या मार्गदर्शनाखाली बालभवन गौरव गीत सादर केले. कार्यक्रमाचे अध्यक्ष तथा राज्याचे शालेय शिक्षणमंत्री दादा भुसे यांनी विद्यार्थ्यांचे कौतुक केले. या वेळी प्रधान सचिव रणजितसिंग देओल, विभागीय उपसंचालक राजेश कंकाळ, प्रशांत भामरे व संचालक नीता पाटील उपस्थित होते.