स्वातंत्र्यवीर सावरकर यांच्या आठवणींना उजाळा
मुलुंड, ता. २८ (बातमीदार) ः मुलुंड पूर्वेतील मुंबई मराठी ग्रंथसंग्रहालयातर्फे गुरुवारी (ता. २६) स्वातंत्र्यवीर सावरकर यांच्या आत्मार्पण दिनानिमित्ताने शब्दसुमनांजली वाहण्यात आली. या कार्यक्रमात त्यांच्या विषयीचे लेख, कविता, अंदमान-निकोबार येथील तुरुंगात भेट दिल्यावरच्या आठवणी सांगून सावरकरप्रेमींनी त्यांच्या आठवणींना उजाळा दिला. कार्यक्रमात कार्यवाह भाग्यश्री नुलकर, महेश कवटकर, युगंधरा वळसंगकर, हेमांगी गायकवाड, लक्ष्मण उपाध्ये, वसंत गोळे आणि रजनी साळुंखे, उल्हास कुळकर्णी, सतीश धोत्रे यांनी सहभाग घेतला होता.