विज्ञान दिन साजरा
पेण (वार्ताहर) : पेण शिक्षण महिला समिती इंग्रजी माध्यम, पूर्व प्राथमिक विभाग तसेच प्राथमिक आणि माध्यमिक विभागाने शनिवारी (ता. २८) विज्ञान दिन साजरा केला. विद्यार्थ्यांना शैक्षणिक क्षेत्रात विज्ञानाची अधिक माहिती व्हावी, यासाठी या माध्यमातून त्यांनी वेगवेगळ्या विज्ञानाची मांडणी करून त्यांची ओळख करून दिली. या वेळी पूर्व प्राथमिक विभागाने १८ व प्राथमिक व माध्यमिक विभागाने ७५ प्रयोग सादर केले. या कार्यक्रमासाठी संस्थेच्या उपाध्यक्षा मेधा देवधर, संस्थेच्या सेक्रेटरी अंजली डोंगरे, तसेच कार्यकारिणी सदस्यांसह माध्यमिक विभागाच्या मुख्याध्यापिका मनीषा फाटक, प्राथमिक विभागाच्या मुख्याध्यापिका रोहिणी शिंदे यांच्यासह शिक्षक-शिक्षकेतर कर्मचारी उपस्थित होते.