मुलुंडमध्ये भव्य मोफत महाआरोग्य शिबिरास उत्स्फूर्त प्रतिसाद
मुलुंड, ता. १ (बातमीदार) ः बिग फाउंडेशनतर्फे आयोजित आरोग्य व नेत्रतपासणी शिबिराला नागरिकांचा उत्स्फूर्त प्रतिसाद मिळाला. जिजाऊ सामाजिक संस्था, बिग फाउंडेशन आणि शिवशक्ती साई उत्सव मंडळ यांच्या संयुक्त विद्यमाने हा उपक्रम राबविण्यात आला. शनिवारी (ता. २८) सकाळी १० ते दुपारी २ या वेळेत मुलुंड पश्चिमेतील साईबाबा मंदिर, ओल्ड बॅरेक, मुलुंड कॉलनी येथे शिबिराचे आयोजन केले होते. शिबिरात हृदयरोग, रक्तदाब, मधुमेह, किडनी व लिव्हर तपासणीची सुविधा उपलब्ध करून देण्यात आली. तसेच स्त्रीरोग, बालरोग आणि त्वचारोग तपासणीही मोफत करण्यात आली.