जिल्हा कारागृहात त्वचारोग तपासणी शिबिर
अलिबाग, ता. १ (वार्ताहर) : समता फाउंडेशन यांच्या पुढाकारातून अलिबाग जिल्हा कारागृहात बंद्यांसाठी त्वचारोग तपासणी शिबिर आयोजित करण्यात आले. जिल्हा सामान्य रुग्णालय अलिबाग येथील वैद्यकीय अधिकाऱ्यांच्या मार्गदर्शनाखाली मंगळवारी (ता. २४) पार पडलेल्या या शिबिरात त्वचारोगतज्ज्ञ डॉ. सुयश वीरकर यांनी त्वचारोगांची लक्षणे, उपचारपद्धती आणि प्रतिबंधात्मक उपाय याबाबत सविस्तर मार्गदर्शन केले. मोफत निदान व उपचारांवर भर देत कारागृहातील २९ बंद्यांची तपासणी करण्यात आली.
या वेळी जिल्हा कारागृह अधीक्षक विशाल बाळासाहेब बांदल, वैद्यकीय अधिकारी डॉ. निशिगंधा माळी, सतीश प्रभाकर जुंबळे, तसेच कारागृह कर्मचारी उपस्थित होते. शिबिरामुळे बंद्यांच्या आरोग्य तपासणीला चालना मिळून त्वचारोगाविषयी जनजागृती झाली.