रुद्र फाउंडेशनतर्फे आरोग्य तपासणी
भाईंदर (बातमीदार) : सामाजिक कार्यात अग्रेसर असलेल्या मिरा-भाईंदरमधील रुद्र फाउंडेशनतर्फे सलग सहाव्या वर्षी रक्तदान शिबिर घेण्यात आले. या शिबिरात ८३ पिशव्या रक्ताचे संकलन करण्यात आले. रक्तदान शिबिरासोबतच वोकहार्ट रुग्णालयाच्या सहकार्याने आरोग्य तपासणी आणि डॉ. आरती वाडकर यांच्यातर्फे मोफत दंततपासणी शिबिर घेण्यात आले. शिबिर यशस्वी करण्यासाठी रुद्र फाउंडेशनचे अध्यक्ष प्रशांत खोत, उपाध्यक्ष वंदना जोशील, सचिव प्रशांत कोळपे, खजिनदार अमेय हडकर तसेच सदस्य घनश्याम सिंह, किरण गेडाम, हरेश अग्रवाल, राहुल मोरे, अरुण पायस, गणेश मयेकर, सिकंदर अरोरा, रजनीश कुमार, मनीष राऊत यांनी मोलाचे सहकार्य केले.