राहुल राइडर्सला विजेतेपदाचा मान
बोईसर (वार्ताहर) : बोईसर केमिस्ट वेल्फेअर असोसिएशन व पालघर जिल्हा केमिस्ट असोसिएशनच्या सहकार्याने बोईसर केमिस्ट प्रीमियर लीग क्रिकेट स्पर्धेच्या अंतिम सामन्यात राहुल राइडर्स संघाने हरे कृष्ण चार्जर्सचा पराभव करून विजेतेपद पटकावले. बोईसरच्या पी.डी.टी.एस. मैदानावर झालेल्या स्पर्धेत सहा संघांनी सहभाग घेतला होता. पाच षटकांच्या सामन्यांमुळे स्पर्धा रंगतदार झाली. स्पर्धेला पालघर जिल्हा केमिस्ट असोसिएशनचे अध्यक्ष अनिस शेख, अन्न व औषध प्रशासनाचे उपआयुक्त महेश गाडेकर, खजिनदार योगेश भानुशाली या वेळी उपस्थित होते.