कल्याणच्या प्रणव बेंढारी युपीएससी उत्तीर्ण
कल्याण, ता. ८ (वार्ताहर) : वायले नगर परिसरातील ओम महेश सोसायटीमधील रहिवासी प्रशांत बेंढारी यांचे सुपुत्र प्रणव बेंढारी याने केंद्रीय लोकसेवा आयोगाच्या परीक्षेत उत्तीर्ण होत विशेष यश संपादन केले आहे. याबद्दल माजी नगरसेवक सुनील वायले यांनी त्यांच्या घरी भेट घेऊन अभिनंदन केले. ही यशस्वी कामगिरी त्याने केलेल्या कठोर परिश्रम, जिद्द, चिकाटी आणि आत्मविश्वासाचे फलित आहे. ही केवळ वैयक्तिक उपलब्धी नसून त्याच्या कुटुंबासाठी, शिक्षकांसाठी आणि संपूर्ण समाजासाठी अभिमानाची बाब आहे. त्याच्या या कर्तृत्वामुळे इतर अनेक तरुणांना प्रेरणा मिळेल आणि त्यांच्या मनातही मोठी स्वप्ने पाहण्याची उमेद निर्माण होईल, असे मत वायले यांनी व्यक्त केले.