विधान भवनावर गिरणी कामगारांचा धडक मोर्चा
शिवडी, ता. ९ (बातमीदार) ः गिरणी कामगारांच्या घरांच्या प्रश्नावर आमदार सचिन अहिर यांच्या नेतृत्वाखाली एकत्र आलेल्या १६ कामगार संघटनांच्या ‘गिरणी कामगार संयुक्त लढा समिती’च्या वतीने मंगळवारी (ता. १०) सकाळी ११ वाजता विधान भवनावर गिरणी कामगारांचा धडक मोर्चा काढण्यात येणार आहे. आझाद मैदानात उपस्‍थित कामगार संघटनांच्या प्रतिनिधींची भाषणे होतील. आश्वासनाची पूर्ती करा, हक्काचे घर मुंबईतच द्या, बांधलेल्या घरांची त्वरितच सोडत काढा, वंचितांचा प्रश्न मार्गी लावा, घराच्या प्रश्नावर कालबद्ध कार्यक्रम जाहीर करा, आदी मागण्या आंदोलनाद्वारे करण्यात येतील, अशी माहिती गिरणी कामगार संयुक्त लढा समितीचे गोविंद मोहिते यांनी दिली.