शिवजयंती उत्साहात साजरी
मनोर (बातमीदार) : माकुणसार गावामध्ये छत्रपती शिवाजी महाराजांच्या जयंतीनिमित्त श्री सत्यनारायण पूजा आणि महिलांसाठी हळदी-कुंकू कार्यक्रमाचे आयोजन करण्यात आले होते. या वेळी हिंदुहृदयसम्राट बाळासाहेब ठाकरे यांच्या जयंतीनिमित्त आयोजित केलेल्या रंगभरण आणि चित्रकला तसेच निबंध स्पर्धेचे बक्षीस वितरण करण्यात आले. कार्यक्रमाचे आयोजन शिवसेना उद्धव बाळासाहेब ठाकरे पक्षाचे उप तालुकाप्रमुख नागेश वर्तक यांच्या मार्गदर्शनात पार पडले. शिवजयंती कार्यक्रमाचे हे २५वे वर्ष होते. कार्यक्रमाला प्रमुख पाहुणे म्हणून सोनोपंत दांडेकर महाविद्यालयाच्या प्रा. दर्शना चौधरी, उमेश पाटील आणि शिवप्रेमी उपस्थित होते. कार्यक्रमाचे सूत्रसंचालन सम्राज्ञी वर्तक यांनी, तर प्रस्तावना निमेश पाटील आणि आभारप्रदर्शन राजेश ठाकूर व प्रणय म्हात्रे यांनी केले.