उमराळेत २३० रक्तपिशव्या संकलित
वसई (बातमीदार) ः नालासोपारा पश्चिमेतील संत जोसेफ चर्च, उमराळे येथे फादर ऑस्कर कोलासो मेमोरियल मेडिकल संस्थेच्या रौप्यमहोत्सवी वर्षानिमित्त व्हिन्सेंट दि पॉल संस्थेच्या संयुक्त विद्यमाने महारक्तदान शिबिर घेण्यात आले. या शिबिराला नागरिकांचा उदंड मिळाला. या वेळी २६८ जणांनी शिबिराला उपस्थिती दर्शवली होती. त्यापैकी २३० रक्तपिशव्या संकलित करण्यात आल्या. याप्रसंगी महिला रक्तदात्यांचा सन्मान करण्यात आला. वसई-विरार महापालिकेचे उपमहापौर मार्शल लोपीस, कॅथलिक बँकेचे संचालक सविओ रॉड्रिग्ज, शैला गोन्साल्विस, जीवन विकास पतपेढीचे संचालक ॲलन गोन्साल्विस शिबिरासाठी उपस्थित होते.