घाटकोपर (बातमीदार) : घाटकोपर पूर्व येथील एम. जी. रोडवरील ईस्ट-वेस्ट ब्रिज परिसरात मोठे लोखंडी होर्डिंग उभारण्याचे काम सुरू असल्याने नागरिकांमध्ये चिंता व्यक्त होत आहे. हा भाग रेल्वे मार्गाच्या जवळ असल्याने अपघात झाल्यास होर्डिंग रेल्वे ट्रॅकवर कोसळण्याचा धोका आहे. काही वर्षांपूर्वी घाटकोपरमध्ये होर्डिंग कोसळून मोठी दुर्घटना घडली होती. त्यामुळे प्रशासनाने तातडीने चौकशी करून नियमबाह्य किंवा धोकादायक होर्डिंगचे काम थांबवावे, अशी मागणी माजी विरोधी पक्षनेते व नगरसेवक प्रवीण छेडा यांनी केली आहे.