नालासोपारा पश्चिमेतील नळवाहिनीचे भूमिपूजन

विरार, ता. १६ (बातमीदार) : नालासोपारा पश्चिम येथील वांडा, चौकाळे, गोम्स आळी, रामबई आणि नवाळे गाव या परिसरासाठी पिण्याच्या पाण्याच्या नळवाहिनीच्या कामाचे भूमिपूजन रविवारी (ता. १५) गोम्स आळी येथील चर्चजवळ पार पडले.
बहुजन विकास आघाडीचे समर्थक असलेल्या स्टॅनी गोम्स यांच्या वाढदिवसानिमित्त या कार्यक्रमाचे आयोजन करण्यात आले होते. माजी आमदार हितेंद्र ठाकूर, माजी आमदार क्षितिज ठाकूर, महापौर आजीव पाटील व उपमहापौर मार्शल लोपीस यांच्या सहकार्याने तसेच वॉर्ड क्र. १३ मधील सर्व नगरसेवक व नगरसेविका यांच्या सातत्यपूर्ण पाठपुराव्यामुळे हे महत्त्वाचे काम सुरू करण्यात आले आहे.
या उपक्रमामुळे परिसरातील नागरिकांना स्वच्छ व पुरेसा पिण्याचा पाणीपुरवठा होण्यास मोठी मदत होणार आहे. तसेच टप्प्याटप्प्याने सर्व पश्चिम भागातील गावांमध्ये नळवाहिनी जोडणीच्या कामाला सुरुवात होईल. सदर कार्यक्रमासाठी उपमहापौर मार्शल लोपीस, नगरसेवक परेश किणी, नगरसेविका सॅरल डाबरे, नगरसेविका दीप्ती भोईर, जेष्ठ नागरिक सालू अल्मेडा, आग्नेलो गोम्स, राजू गोम्स, स्टॅनी गोम्स आणि सर्व युवा महिला कार्यकर्त्या उपस्थित होत्या.