दृष्टी नसली तरी जिद्दीचा प्रकाश
माणगाव, ता. १६ (वार्ताहर) : माणगाव येथील उज्वला टायपिंग संस्थेच्या विद्यार्थ्यांनी जीसीसी-टीबीसी महाराष्ट्र राज्य परीक्षा परिषद, पुणे यांच्या जानेवारी २०२६ मधील इंग्रजी व मराठी टायपिंग परीक्षेत उल्लेखनीय यश मिळवले. या परीक्षेचा निकाल १० मार्च रोजी जाहीर झाला.
या यशामध्ये विशेष उल्लेखनीय कामगिरी दृष्टिहीन विद्यार्थी धृव विलास महाडिक व हर्ष विलास महाडिक यांनी केली. दोघेही १०० टक्के दृष्टिहीन असूनही त्यांनी परिश्रमपूर्वक टायपिंगचे प्रशिक्षण घेत उत्कृष्ट गुण मिळवले. मराठी टायपिंगमध्ये धृव महाडिक याने ८९.५ गुण मिळवत प्रथम क्रमांक पटकावला.
इंग्रजी विषयात कोदे सोनाली मनोहर हिने ९५.५ गुणांसह प्रथम क्रमांक मिळवला. जाधव मानसी बाळ (८७.५) व तेटगुरे स्वरा राकेश (८७) यांनीही चांगली कामगिरी केली. तसेच मराठी विषयात जाधव प्रियंका बुद्धेश (८८) व कोदे सोनाली मनोहर (८७.५) यांनीही यश मिळवले.
या यशाबद्दल संस्थेच्या प्राचार्यांनी सर्व विद्यार्थ्यांचे कौतुक केले असून, दृष्टिहीन विद्यार्थ्यांचे यश अनेकांसाठी प्रेरणादायी ठरत आहे.