खासदारांच्या हस्ते ओझोन रुग्णालयाच्या प्रयोगशाळेचे उद्‍घाटन

पालघर, ता. १७ (बातमीदार) : चिंतुपाडा रोड येथील ओझोन हायटेक मल्टिस्पेशालिटी रुग्णालयाच्या प्रयोगशाळेचे खासदार डॉ. हेमंत सवरा यांच्या हस्ते उद्‍घाटन करण्यात आले.
पालघर शहरातील वैद्यकीय उपचारासाठी सुसज्ज व अत्याधुनिक यंत्रसामग्रीने सुसज्ज अशा ओझोन रुग्णालयाची स्थापना २० फेब्रुवारी २०२५ रोजी झाली होती. या रुग्णालयाला रुग्णांची सेवेत करताना एक वर्ष झाले आहे. हृदयाच्या अँजिओग्राफी व अँजिओप्लास्टी चाचणीसाठी येथे प्रयोगशाळेची गरज लक्षात घेता नवीन व अत्याधुनिक यंत्रसामग्रीयुक्त कॅथलॅब (प्रयोगशाळा)ची निर्मिती येथे करण्यात आली आहे. या प्रयोगशाळेच्या उद्‍घाटनावेळी खासदार डॉ. सवरा, प्रसिद्ध कार्डिओलॉजिस्ट डॉ. नवीन अग्रवाल, डॉ. राजेंद्र चव्हाण, डॉ. उज्वला काळे, कैलास म्हात्रे, अशोक अंबुरे आणि अरुण माने आदी मान्यवर उपस्थित होते. ओझोन हॉस्पिटल प्रशासनाच्या वतीने डॉ. अतुल पारसकर, डॉ. राज हंबर्डे, डॉ. गणेश शिरोडकर, डॉ. अमित यादव, डॉ. श्याम पारसकर यांनी ओझोन रुग्णालयातील अद्ययावत वैद्यकीय सेवेचा लाभ घेण्याबाबत नागरिकांना आवाहन केले आहे.