श्रीमती पी. एन. दोशी महाविद्यालयामध्ये फर्निचर नूतनीकरण कार्यशाळा उत्‍साहात
घाटकोपर, ता. १८ (बातमीदार) ः घाटकोपरस्थित एसपीआरजे कन्याशाळा संचालित श्रीमती पी. एन. दोशी विमेन्स कॉलेज येथील रिसोर्स मॅनेजमेंट अँड इंटिरियर डिझाइन विभागातर्फे इंटिरियर डिझाइनमध्ये विशेषीकरण करणाऱ्या पदवी विद्यार्थिनींसाठी ‘फर्निचर नूतनीकरणाची तंत्रे’ या विषयावर उपयुक्त कार्यशाळेचे आयोजन करण्यात आले. एसपीआरजे कन्याशाळा ट्रस्टच्या व्यवस्थापनाखाली पार पडलेल्या या कार्यशाळेचा उद्देश अनुभवाधारित शिक्षणाच्या माध्यमातून जुन्या फर्निचरचे पुनर्स्थापन, सुधारणा आणि शाश्वत डिझाइन पद्धतींबाबत विद्यार्थिनींमध्ये जागरूकता निर्माण करणे हा होता.