अल्पवयीन मुलावर अनैसर्गिक अत्याचार; मौलाना अटकेत

नवी मुंबई, ता. १८ (वार्ताहर) : खारघर परिसरात ११ वर्षीय मुलावर अनैसर्गिक अत्याचार केल्याची घटना उघडकीस आली आहे. याप्रकरणी पोलिसांनी आरोपी मौलानाला अटक केली असून परिसरात संताप व्यक्त होत आहे.
मिळालेल्या माहितीनुसार, सोमवारी (ता. १६) सायंकाळी आरोपीने मुलाला दुचाकीवरून फिरवण्याचा बहाणा करून फुटबॉल मैदानाजवळ नेले आणि त्याच्यावर अत्याचार केला. घटनेची माहिती मिळताच पालकांनी तक्रार दाखल केली. त्यानुसार पोलिसांनी पोक्सो कायद्यान्वये गुन्हा नोंदवून आरोपीला अटक केली असून, त्याला न्यायालयात हजर करण्यात आले.