कोप्रोली येथे भवानी माता जीर्णोद्धार सोहळा उत्साहात
पेण, ता. २२ (बातमीदार) ः पेण तालुक्यातील कोप्रोली येथे ग्रामदेवता भवानी माता मंदिराच्या जीर्णोद्धारानिमित्त तीनदिवसीय धार्मिक कार्यक्रम उत्साहात पार पडला. १९ ते २१ मार्चदरम्यान विविध धार्मिक विधी, भजन, हरिपाठ आणि कीर्तनांचे आयोजन करण्यात आले. पहिल्या दिवशी वास्तुशांती व मिरवणूक, दुसऱ्या दिवशी प्राणप्रतिष्ठा व कलशारोपण झाले. दरम्यान, विविध भजन मंडळांनी सहभाग घेतला. अंतिम दिवशी आरती व हभप गणेश महाराज डांगे यांचे कीर्तन झाले. शंभर वर्षांहून जुने मंदिर नव्याने सुशोभित झाल्याने ग्रामस्थांमध्ये समाधानाचे वातावरण होते. कार्यक्रमाला मोठ्या संख्येने भाविक उपस्थित होते.