डहाणू महोत्सवावर कौतुकाचा वर्षाव
उपमुख्यमंत्री एकनाथ शिंदे यांच्याकडून शुभेच्छा
कासा, ता.२३ (बातमीदार) : डहाणू नगरपरिषद, जिल्हा तसेच पोलिस प्रशासनाच्या सहकार्याने पारनाका समुद्रकिनारी झालेल्या डहाणू महोत्सवाला लाखो नागरिकांनी उपस्थिती लावली होती. या महोत्सवाच्या यशस्वी आयोजनाचे महाराष्ट्राचे उपमुख्यमंत्री एकनाथ शिंदे यांनी शुभेच्छा दिल्या आहेत.
महोत्सवाच्या सांगता सोहळ्यासाठी उपमुख्यमंत्री एकनाथ शिंदे उपस्थित राहणार होते. मात्र, काही अपरिहार्य कारणास्तव त्यांना येता आले नाही. तरी त्यांनी मोबाईलद्वारे आयोजकांशी संपर्क साधत डहाणूकर जनतेला शुभेच्छा दिल्या. तसेच लवकरच डहाणूत प्रत्यक्ष भेट देऊन विकासकामांसाठी संपूर्ण सहकार्य करण्याचे आश्वासनही त्यांनी दिले. नुकत्याच झालेल्या निवडणुकीत जनतेने दिलेल्या पाठिंब्यानंतर नगराध्यक्षपदी विराजमान झालेल्या राजू माच्छी यांनी आपल्या पहिल्याच उपक्रमातून डहाणूकरांसाठी भव्य महोत्सवाचे सुरुवात केल्याबद्दल सर्व स्तरांतून कौतुक केले आहे.