विनापरवाना गौणखनिजाचा ट्रक जप्त
तारापूर, ता.२५ (बातमीदार)ः बोईसर पूर्वेतील गुंदले परिसरातून अवैध गौणखनिज वाहतूक करणाऱ्या ट्रकवर महसूल प्रशासनाने कारवाई केली आहे. मंडळ अधिकारी विजय गुंडकर यांच्या पथकाने ही कारवाई केली.
गुंदले येथून धीरज ठाकूर नामक व्यक्तीला दगड वाहतूक करणाऱ्या ट्रकसह ताब्यात घेण्यात आले होते. यावेळी गौणखनिजासाठी आवश्यक असलेले स्वामित्वधन (रॉयल्टी) नसल्याचे उघड झाले. त्यामुळे संबंधित ट्रकवर दंडात्मक कारवाई करण्यात येणार असून दंडाची रक्कम वसूल होईपर्यंत ट्रक पोलिस ठाण्यातच ठेवण्यात येणार आहे.