नेरूळमध्ये स्टंटबाजी करणाऱ्या चौघांवर गुन्हा
नवी मुंबई (वार्ताहर) : नेरूळ परिसरात धावत्या कारमधून बाहेर येत स्टंट करणाऱ्या चार तरुणांविरोधात पोलिसांनी कारवाई केली आहे. या तरुणांचा व्हिडिओ एका जागरूक नागरिकाने चित्रित करून सोशल मीडियावर शेअर केला होता. व्हिडिओ व्हायरल होताच नेरूळ पोलिसांनी याची गंभीर दखल घेत तपास सुरू केला. स्टंटबाजीमुळे स्वतःच्या आणि इतरांच्या जीवाला धोका निर्माण झाल्याचे लक्षात घेऊन पोलिसांनी संबंधित चारही तरुणांविरोधात गुन्हा दाखल केला आहे.