सापणे गावात आगीचे लोट
टायर कंपनीतील बॉयलरचा स्फोट
वाडा, ता.२६ (बातमीदार)ः वाडा तालुक्यातील सापणे बुद्रुक येथील ‘बालाजी ग्रीन’ टायर कंपनीतील बुधवारी रात्री आग लागली. या दुर्घटनेत बॉयलरचा स्फोट झाल्याने कोट्यवधींचे आर्थिक नुकसान झाले आहे.
प्रत्यक्षदर्शींनी दिलेल्या माहितीनुसार, स्फोटाचा आवाज मोठा होता आणि काही क्षणांतच आगीच्या ज्वाळांनी संपूर्ण परिसर वेढला. कंपनीच्या बाहेर उघड्यावर साठवलेले टायरमुळे आग आणखीणच भडकली. अग्निशमन दलाने घटनास्थळी धाव घेत अनेक तासांच्या प्रयत्नांनंतर आग आटोक्यात आणली. टायरपासून ऑइल काढणाऱ्या अशा कंपन्या आधीच मोठ्या प्रमाणात प्रदूषण निर्माण करत आहेत. काळा धूर, तीव्र दुर्गंधी, रासायनिक परिणामांमुळे ग्रामस्थांचे आरोग्य धोक्यात आले आहे. पण अशा अपघातांमुळे नागरिकांच्या जीविताला धोका निर्माण झाला आहे.