३०० लोकल फेऱ्या रद्द
कांदिवली-बोरिवलीदरम्यान पूल दुरुस्तीच्या कामासाठी घेण्यात येणाऱ्या तब्बल १९ तासांच्या मेगाब्लॉकमुळे दोन दिवसांत एकूण सुमारे ३०० लोकल फेऱ्या रद्द करण्यात येणार आहेत. यामध्ये शनिवारी ४५ लोकल फेऱ्या रद्द राहणार असून, रविवारी सर्वाधिक २५४ फेऱ्या रद्द असतील. तसेच काही लोकल गाड्या अंधेरी आणि गोरेगाव स्थानकांपर्यंतच चालवण्यात येणार असल्यामुळे त्या अंशिक रद्द राहतील. प्रवाशांची गैरसोय कमी करण्यासाठी पश्चिम रेल्वेकडून २५ विशेष लोकल गाड्या चालवण्याचा निर्णय घेण्यात आला आहे.