वसईत ११२ जणांचे रक्तदान
विरार (बातमीदार)ः वसईतील प्रेमांजली गायन मंडळ, विजयी रक्तपेढीच्या सहकार्याने उपवासकालीन रक्तदान शिबिर सकाळी ९ ते दुपारी ३ या कालावधीत घेण्यात आले होते. या शिबिराची सुरुवात संत पिटर चर्च कोळीवाडा वसईचे धर्मगुरु रेव्ह. फादर डॉ. रमेश डिसुझा, सेंट ऍंथोनी कॉन्व्हेंटच्या प्रायमरी स्कूलच्या प्रिन्सिपल सिस्टर जेनेट यांच्या प्रार्थनेने झाली. यावेळी शिबिरात ११२ रक्तदात्यांनी रक्तदान केले.