छळाला कंटाळून पतीची आत्महत्या
बोईसर (वार्ताहर) : सालवड येथील भंडार आळीतील सतीश मोरे (वय ३९) यांनी पत्नीच्या मानसिक छळाला कंटाळून आत्महत्या केली आहे. याप्रकरणी पत्नी प्रियंका सतीश मोरे (३२)विरोधात आत्महत्येस प्रवृत्त केल्याचा गुन्हा बोईसर पोलिस ठाण्यात दाखल करण्यात आला आहे.
पत्नीच्या वर्तनामुळे होत असलेल्या मानसिक त्रासामुळेच आत्महत्या केल्याचा आरोप करण्यात आला आहे. याप्रकरणी भा.न्या. संहिता २०२३च्या कलम १०८ अन्वये गुन्हा क्रमांक ९१/२०२६ नोंदवण्यात आला आहे.