भगवान महावीर जयंतीनिमित्त रक्तदान शिबिर
अलिबाग, ता. २९ (वार्ताहर) : भगवान महावीर जयंतीनिमित्त मंगळवारी (ता. ३१) महारक्तदान शिबिराचे आयोजन करण्यात आले असून सामाजिक बांधिलकी जपत नागरिकांनी मोठ्या संख्येने सहभागी व्हावे, असे आवाहन आयोजकांकडून करण्यात आले आहे. लायन्स क्लब अलिबाग व कच्छी भवन ट्रस्ट यांच्या संयुक्त विद्यमाने आयोजित हे शिबिर अलिबाग शहरातील श्रीबाग रोड येथील कच्छी जैन भवन येथे सकाळी ९ ते दुपारी ४ या वेळेत पार पडणार आहे.
या रक्तदान शिबिरासाठी प्रशांत नाईक मित्रमंडळ, लायन्स क्लब अलिबाग डायमंड, अलिबाग-रेवस मिनीडोर संघटना, अलिबाग ऑटो रिक्षा संघटना, आगरी समाज संस्था अलिबाग, उज्ज्वल भविष्य सामाजिक संस्था, माणुसकी प्रतिष्ठान तसेच मुंबई कॉलेज ऑफ हॉटेल मॅनेजमेंट, अलिबाग यांचे सहकार्य लाभले आहे.