माजी नगरसेवक सिरील डिसोझा यांचे निधन
मालाड, ता. २९ (बातमीदार) ः मालवणीतील माजी अपक्ष नगरसेवक सिरील डिसोझा यांचे आज अल्पशा आजाराने वयाच्या ५७व्या वर्षी रुग्णालयात निधन झाले. त्यांच्या पश्चात दोन मुले आणि पत्नी असा परिवार आहे. डिसोझा यांना भाजपच्या पाठिंब्यामुळे एक वर्षासाठी पी उत्तर विभाग प्रभाग समिती अध्यक्षपद मिळाले होते. मालवणीच्या राजकारणात नेहमी सक्रिय भूमिका बजावणारे डिसोझा यांनी कधी अपक्ष, तर कधी राष्ट्रवादी पक्षाकडून निवडणूक लढवली होती. त्यांच्या अचानक जाण्याने परिसरात हळहळ व्यक्त होत आहे.