‘भविश्यातील शिक्षणा’वर एकदिवसीय परिषद
खारघर, ता. ३० (बातमीदार) : इंडियन सोसायटी फॉर ट्रेनिंग ॲण्ड डेव्हलपमेंट यांच्या वतीने भारती विद्यापीठात भविष्यातील कामाचे स्वरूप आणि शिक्षण विषयावर एकदिवसीय परिषद शनिवारी (ता. २८) पार पडली. या परिषदेला प्रमुख पाहुणे म्हणून अर्थ व सांख्यिकी विभागाच्या आयुक्त डॉ. ज्योत्स्ना पडियार, रिलायन्स इंडस्ट्रीजचे सल्लागार व्ही. व्ही. सूर्य राव उपस्थित होते. या परिषदेचे नेतृत्व डॉ. वैशाली पाटील, डॉ. प्रेमसिश रॉय यांनी केले. या परिषदेत नितुल ओझा, डॉ. रिचा भार्गव, डॉ. निलय याज्ञिक, महेश गंभीर, ममता शर्मा, मृन्मय जाना, रंजना सेन, चारुदत्त पांडे आणि रवी बाविस्कर आदी मान्यवरांनी कामकाज व शिक्षणाचे भविष्य: कृत्रिम बुद्धिमत्ता, रोजगारक्षमता, कल्याण आणि जागतिक बदल या विषयावर आपले विचार व्यक्त केले. ही परिषद यशस्वी करण्यासाठी डॉ. कुलदीप भालेराव, डॅनियल कुरियन, नील रमेश, डॉ. वैशाली पाटील, डॉ. एन. महेश, इमॅन्युअल जोसेफ, महेश गंभीर, डॉ. फिलिप कॅसी, डॉ. स्वाती पडोसी, प्रा. अंशुल शर्मा आणि डॉ. नेहा शर्मा यांनी मेहनत घेतली.