कनिष्ठ अभियंता श्रद्धा बोऱ्हाडे यांना पोलिस कोठडी
मुरूड, ता. १ (बातमीदार) : मुरूड सार्वजनिक बांधकाम विभागातील कनिष्ठ अभियंता श्रद्धा बोऱ्हाडे यांना अडीच लाखांची लाच घेताना लाचलुचपत विभागाने पकडले होते. त्यांना न्यायालयात हजर केले असता तीन दिवसांची पोलिस कोठडी देण्यात आली आहे. एका कंत्राटदाराने मुरूड शहराजवळ असणाऱ्या एकदरा, राजपुरी, खोकरी येथील गावातील रस्त्यालगत स्लॅब ड्रेनचे काम पूर्ण केले होते. हे काम पूर्ण झाल्यावर पूर्ण बिल अंदाजपत्रकसह तयार करून देण्याकरिता बोऱ्हाडे यांनी तक्रारदाराकडे प्रथम तीन लाख मागितले. तडजोडत दोन लाख पन्नास हजार रुपये देण्याचे ठरले. याबाबत तक्रारदाराने अलिबाग येथील लाचलुचपत अधिकाऱ्यांकडे तक्रार केली होती. यानंतरही कारवाई करण्यात आली.