तटकरे तंत्रनिकेतनच्या विद्यार्थ्यांची लक्ष्मी ऑरगॅनिकमध्ये निवड
रोहा, ता. १ (बातमीदार) : कोलाड गोवे येथील श्रीमती गीता द. तटकरे तंत्रनिकेतनमधील केमिकल व इलेक्ट्रिकल शाखेतील ११ विद्यार्थ्यांची महाड येथील लक्ष्मी ऑरगॅनिक इंडस्ट्रीज लिमिटेडमध्ये निवड झाली आहे. कॅम्पस प्लेसमेंट ड्राइव्हमध्ये लेखी परीक्षा व वैयक्तिक मुलाखतीत विद्यार्थ्यांनी उत्कृष्ट कामगिरी केली. यामध्ये केमिकल नऊ व इलेक्ट्रिकल दोन विद्यार्थ्यांचा समावेश आहे. तंत्रनिकेतनतर्फे विद्यार्थ्यांना शिक्षणासोबत रोजगाराच्या संधी उपलब्ध करून दिल्या जातात. निवड झालेल्या विद्यार्थ्यांचे ट्रस्टचे विश्वस्त संदीप तटकरे, रजिस्ट्रार अजित तेलंगे, प्राचार्य विपुल मसाल व शिक्षकांनी अभिनंदन करून शुभेच्छा दिल्या.