तीन दिवसांपासून पाण्याचा थेंब नाही
डोंबिवली एमआयडीसीतील नागरिकांनी खंत

सकाळ वृत्तसेवा
डोंबिवली, ता. १ ः डोंबिवली एमआयडीसीच्या कार्यालयावर एमआयडीसी निवासी भागातील रहिवासी आणि मनसेने मोर्चा नेला होता. या वेळी पाणी समस्या किती दिवस सहन करायची, आम्ही पाणी कर भरतो मग पाणी का मिळत नाही, असा प्रश्न मनसे पदाधिकारी आणि नागरिकांनी विचारत अधिकाऱ्यांना धारेवर धरले.
बुधवारी महाराष्ट्र नवनिर्माण सेनेचे लोकसभा सचिव राहुल कामत, शहर सचिव अरुण जांभळे, विभाग अध्यक्ष संजय चव्हाण, विभाग सचिव अजय घोरपडे, शाखा अध्यक्ष योगेश माने यांच्यासह रहिवाशांनी डोंबिवली एमआयडीसी कार्यालयावर मोर्चा काढला. गेले तीन-चार दिवस पाणी येत नाही, याचे काय कारण, पाणी समस्या किती दिवस सहन करायची, असा सावल नागरिकांनी अधिकाऱ्यांना विचारला.

तांत्रिक बिघाड
तांत्रिक बिघाड असल्याने कमी दाबाने पाणी आले असून हा त्रास नेहमीच होत नाही, असे एमआयडीसी अधिकाऱ्यांनी सांगितले.