इन्फिनिटी फाउंडेशनचा वर्धापनदिन उत्साहात
पनवेल (बातमीदार) ः इन्फिनिटी फाउंडेशनचा ११ वा वर्धापनदिन सोहळा रविवारी (ता. २९) उत्साहात पार पडला. या कार्यक्रमास प्रमुख पाहुणे म्हणून पनवेल महापालिकेचे महापौर नितीन पाटील तसेच मान्यवरांच्या उपस्थितीने कार्यक्रमाला विशेष शोभा प्राप्त झाली. याप्रसंगी नगरसेविका राजेश्री वावेकर, सिनेट सदस्य मयुरेश नेटकर, डॉ. हिना सामनाई, निशा नायर, सगीरा शाफिक, डॉ. सीमा कांबळे यांची उपस्थिती लाभली. या वेळी इन्फिनिटी फाउंडेशन संस्थेच्या विविध उपक्रमांचा आढावा सादर करण्यात आला. या सोहळ्यात संस्थेच्या संस्थापक सदस्य वैशाली सरदेशपांडे यांचा विशेष सत्कार करण्यात आला. तसेच संस्थेच्या मॅनेजिंग कमिटी सदस्यांना नियुक्तिपत्रांचे वितरण करण्यात आले. यासोबतच विविध क्षेत्रातील तज्ज्ञ व्यक्तींना सल्लागार समिती सदस्य म्हणून निवड करून त्यांचा सत्कार करण्यात आला. या वेळी माजी सभागृह नेते व नगरसेवक परेश ठाकूर हस्ते इन्फिनिटी फाउंडेशनच्या संकेतस्थळ व ई-बुकचे लोकार्पण करण्यात आले.