रोहा तालुका शिवसेना कार्यकारणी बरखास्त
जिल्हा प्रमुख राजा केणी यांची घोषणा; नव्या कार्यकारणीची लवकरच नियुक्ती
रोहा, ता.२ (बातमीदार) : रोहा अष्टमी नगर परिषद व जिल्हा परिषद निवडणुकांतील अपयशाच्या पार्श्वभूमीवर शिवसेना (शिंदे गट) रोहा तालुका कार्यकारणी बरखास्त करण्याची घोषणा जिल्हा प्रमुख राजा केणी यांनी केली. येत्या आठ ते दहा दिवसांत नवी कार्यकारणी जाहीर केली जाणार आहे.
नगरपालिका निवडणुकीत अपेक्षित यश न मिळाल्याने सेनेला मोठा धक्का बसला होता. त्यानंतर तत्कालीन तालुका प्रमुख मनोजकुमार शिंदे यांनी राजीनामा दिला होता. संघटना बळकट करण्यासाठी घेतलेल्या बैठकीत हा निर्णय घेण्यात आला.
दरम्यान, उपजिल्हा प्रमुख मनोज शिंदे यांनी माझा पदावरून हटविण्याशी संबंध नाही, असे सांगत लवकरच भूमिका स्पष्ट करणार असल्याचे नमूद केले.