कर संकलनात विक्रमाला गवसणी
वसई-विरार पालिकेची चारशे कोटींची वसुली
विरार, ता. ३ (बातमीदार)ः वसई-विरार पालिकेने पालिकेने राबवलेल्या विविध सवलत योजना, नागरिकांच्या प्रतिसादामुळे यंदा ३९३.९४ कोटींची वसुली झाली आहे. पालिकेच्या इतिहासात प्रथमच हा टप्पा गाठला आहे.
वसई-विरार महापालिकेने २०२५-२६ या आर्थिक वर्षात ८६० कोटींचे करवसुलीचे उद्दिष्ट पालिकेच्या समोर होते. गेल्या वर्षाच्या तुलनेत उद्दिष्ट वाढले होते. मात्र, त्यातुलनेत करवसुली थंडावली होती. याच अनुषंगाने एप्रिल, मेमध्ये मालमत्ता कर भरणाऱ्यांना करामध्ये सवलत जाहीर केली होती, तर आर्थिक वर्षाच्या शेवटी अभय योजना लागू केली होती. त्यामुळे अनेक थकबाकीदारांनी कर भरणा केला आहे. त्यामुळे ३१ मार्च अखेर ३९३ कोटी ९४ लाखांचा वसुलीचा टप्पा पालिकेने पार केला आहे. पालिकेच्या सवलत योजनांमुळे, देयके वितरणातील गती ऑनलाइन कर भरण्याचा पर्याय, ऑनलाइन देयके उपलब्ध करून दिल्यामुळे शक्य झाले आहे.
-----------------------------------
वर्ष आर्थिक वसुली
२०२२-२३ ३७२
२०२३-२४ ३४६
२०२४-२५ ३९३.८३
---------------------------------------
पालिका निवडणुकीचा अडसर
२०२४-२५ आर्थिक वर्षात मालमत्ता कराची वसुली लवकरात लवकर होण्यासाठी पालिकेने प्रयत्न सुरू केले होते. यासाठी आर्थिक वर्षाच्या सुरुवातीला मालमत्ताधारकांसाठी सवलत जाहीर केली, पण पालिका निवडणुकीमुळे करवसुलीच्या कामात अडथळा निर्माण झाला होता.
====================================
कारवाईचा धडाका
२०२५-२६ या वर्षात निवासी मालमत्ता, वाणिज्य मालमत्ता नव्याने शोधण्यात आल्या आहेत. तसेच पालिकेने थकबाकीदारांच्या अडीच हजार मालमत्ता जप्त केल्या आहेत, तर ३०० हून अधिक नळजोडण्या खंडित केल्या आहेत. त्यामुळे अनेक थकबाकीदारांनी कारवाईच्या भीतीने करभरणा केल्याचे पालिकेने सांगितले.